阿嫂

一早六點三起身，刷牙時特然下雨，仲要係傾盆大雨，立即走番入房關窗，不過到我出門時又無雨。 今朝又係食McDonald早餐，仲見到明星。 係電話和Apple職員confirm了AppleCare，佢話遲下會有confirmation e-mail給我。 終於可以放心啦！ 放工後和E.K去朗豪坊睇《阿嫂》，我係林嘉欣fans，又想睇下新人劉心悠演技如何，仲有7個影帝主演，所以吸引到很久沒有入場的我去睇電影。(對上一次入場好似係睇《在世界中心呼喚愛》) 7個影帝的演技無得彈！但我覺得人太多，吾夠時間給他們發揮。 林嘉欣做得越來越好，可惜和7個影帝一樣，吾夠時間發揮。 劉心悠，由頭到尾都是圍繞著她，電影公司講明這套電影是為她而開的，但她的演技 . . . ，怪不得曾志偉公開發話，要劉心悠學好演技。 電影故事其實好簡單，但我感覺是一個片段、一個片段的出現，當中沒有過場的連貫性，有些場面完了，立即跳去下一場，令人無所適從，像最尾的撞車場面，一開始便是大堆車在高速飛車、撞車，但沒有前文交待點解會有咁多車在追逐及互撞。